"Алтын белән Чүпрәле": Кайбыч районында «Сәламәтлек-2023» медицина хезмәткәрләре Спартакиадасының зона этабы узды
Зур Кайбычта медицина хезмәткәрләре спартакиадасы узды.
Ярышларда Кайбыч, Тәтеш, Буа, Кама Тамагы, Апас һәм Чүпрәле районнары командалары катнашты.
Массакүләм чараның төп максаты-физик культура һәм спорт өлкәсендә дәүләт сәясәтен алга таба камилләштерү, кеше потенциалын үстерүгә һәм халыкның сәламәтлеген ныгытуга юнәлдерелгән нәтиҗәле физик тәрбия системасын булдыру.
Чараны ачу тантанасы Олы Кайбыч мәктәбе стадионында узды, анда барлык кунакларны каршы алдылар: районнарның медицина персоналы һәм баш табиблар командалары. Аларны район башлыгы Альберт Рәхмәтуллин һәм Кайбыч үзәк район хастаханәсенең баш табибы Гөлнара Сафиуллина сәламләде. Алар барлык катнашучыларга җиңүләр һәм югары казанышлар теләделәр.
Спартакиада программасы җиңел атлетика, волейбол, өстәл теннисы, шахмат, аркан тарту, бадминтон һәм йөзү буенча ярышларны үз эченә ала.
Гомуми ярыш нәтиҗәләре буенча зона медицина хезмәткәрләре спартакиадасында безнең Чүпрәле үзәк район хастаханәсе командасы җиңүче булды.
Буа үзәк район хастаханәсе көмеш медаль алды (2-нче урын).
Бронза медальләрне (3-нче урын) Кайбыч үзәк район хастаханәсе медиклары командасы алды.