2023 елның 15 марты Бөтендөнья кулланучылар хокуклары көне
Кулланучылар хәрәкәте ел саен 15 мартта Бөтендөнья кулланучылар хокуклары көнен билгеләп үтә, бу бөтен дөньяның кулланучылар хокукларына һәм ихтыяҗларына игътибарын җәлеп итү өчен эшләнә. Халыкара кулланучылар оешмасы (Consumers International) 2023 елда Бөтендөнья кулланучылар хокуклары көне темасын игълан итте - "World Consumer Rights Day To Empower Consumers Through Clean Energy Transitions" - "Экологик чиста энергия һәм продукциягә күчү юлы белән кулланучылар хокукларын һәм мөмкинлекләрен киңәйтү".
Азык-төлек продуктларының һәм энергиянең бик тиз үсә барган бәясе бөтен дөньяда кешеләргә йогынты ясый, нәтиҗәдә миллионлаган кеше ярлылык чигендә калырга мөмкин. Соңгы буын өчен тормыш бәясенең иң җитди кризисы шартларында һәм энергетика дөньясы климат белән бәйле проблемаларга кискен җавап биргән шартларда, Халыкара кулланучылар оешмасы кулланучылар өчен гадел күчешне тәэмин итүдә төп рольне күрә.
Әлеге тема Россия Федерациясе Хөкүмәтенең 2020 елның 9 июнендәге 1523-р номерлы күрсәтмәсе белән расланган 2035 елга кадәрге чорга Россия Федерациясе Энергетика стратегиясе белән яраша, бу өлкәдә булган проблемаларга адекват җавап бирергә һәм булган проблемаларны җиңеп чыга алырлык нәтиҗәлерәк, җайлы һәм тотрыклырак энергетикага күчү чаралары каралган.
Россия Федерациясе Федераль Собраниесенә 2019 елның 20 февралендәге юлламасында Россия Федерациясе Президенты ассызыклаганча, «безнең табигый өстенлегебез - гаять зур табигый мөмкинлекләр, аларны җитештерүне үстерү өчен нәкъ менә экологик чиста продукция кулланырга кирәк». Шуңа бәйле рәвештә хөкүмәткә үз җитештерүендә кеше сәламәтлеге өчен куркынычсыз булган технологияләр генә файдаланылуын, югары сыйфатлы гарантияләрне эчке һәм тышкы базарда да куллануын расларга тиешле үзебезнең чиста, "яшел" продукциянең якланган брендын булдыру йөкләнде.
Бөтендөнья кулланучылар хокуклары көне кысаларында гражданнарга мәгълүмат җиткерүгә һәм консультация бирүгә юнәлдерелгән план нигезендә чаралар үткәрү, кулланучылар хокукларын яклау турындагы законнарның актуаль аспектларын аңлату, халыкның төрле төркемнәре арасында кулланучыларга нәтиҗәле куллану контекстында гамәли ярдәм күрсәтү (сәламәт туклану рационы, органик продукция, экологик чиста кулланучылар төргәге, ТКХ өлкәсендә энергияне сак тоту) планлаштырыла.
Кулланучылар хокукларын яклау мәсьәләләре буенча Буа, Чүпрәле, Апас районнары территориясе буенча “Татарстан Республикасында гигиена һәм эпидемиология үзәге” (Татарстан) ФБУЗның Яшел Үзән филиалы консультация пунктына түбәндәге адрес буенча мөрәҗәгать итә аласыз: 422430, Буа ш., Ефремов ур., 135 В йорты, яки (8-84374) 3-26-76 телефоны буенча
Роспотребнадзорның бердәм
консультация үзәге 8 800 555 49 43