Чүпрәлеләр – “Балкыш”та балкыды

2022 елның 24 марты, пәнҗешәмбе

   Буа районы мәдәният йортында Татарстан ветераннары арасында уза торган “Балкыш” фестиваленең VII зонара этабы узды. Анда безнең районнан ветераннар советы рәисе Роза Нәсыйбуллина җитәкчелегендә үзешчәннәр катнашты.

   “Хелхем” ансамбленең – фольклор чыгышы, Әлфия Яхиеваның җырлавы, Тәлгать Җәббаровның баянда үзе уйнап җырлавы, Дилүзә Азизованың башкорт биюе, Наталия Макарованың - рус халык җыры, Виталий Хубахов белән Василий Кадушкиннарның дуэты ңюри тарафыннан югары бәяләнде, -ди Роза Нәсыйбуллина.

   Һәр номер чыгыш ясаучының презентациясе белән баетылган. Үзешчән ветераннар фестивальнең Дипломына лаек булганнар.