Чүпрәледә су асты диңгезчеләрен бәйрәм белән котладылар
Россиядә су асты диңгезчеләре көне билгеләп үтелә, бу-Россия Хәрби-Диңгез Флотының профессиональ бәйрәмнәреннән берсе. Бәйрәм ел саен 19 мартта билгеләп үтелә.
Су асты диңгезчесе көне 1996 елның 15 июлендә Россия Хәрби-Диңгез флоты баш командующие Ф.Громов боерыгы белән гамәлгә куела. 1906 елда Николай II император Указы белән су асты көймәләре хәрби флот суднолары классификациясенә кертелә.
Шул уңайдан Чүпрәле районы хакимиятендә су асты диңгезчеләре белән очрашу оештырылды.
Район башлыгы Марат Гафаров һәм сугыш хәрәкәтләре ветераннары советы рәисе Виктор Петухов Владимир Кукушкин һәм Николай Хрисановны бәйрәм белән котладылар һәм аларга Россия сугыш хәрәкәтләре ветераннары Берлеге, идарә рәисе Е.Г. Кабыш исеменнән Грамоталар тапшырдылар.
Район башлыгы Марат Гафаров су асты флоты диңгезенең хәтта кораллы көчләр буенча да иң җаваплы һәм куркыныч хезмәтләрнең берсе булуын билгеләп, хезмәтләре, шулай ук районның иҗтимагый тормышында актив эш алып барулары өчен рәхмәт сүзләрен әйтте.
-Әлеге чара бездә беренче тапкыр үткәрелә. Киләчәктә ул традициягә әверелер дип өметләнәбез,-ди Виктор Петухов. - Николай Хрисанов туган авылы Чуваш Чүпрәлесе авылында обелиск төзү инициаторларының берсе, шулай ук спорт тормышында һәм яшьләрне патриотик рухта тәрбияләүдә үрнәк шәхес булып тора.