Иске Шәйморза авылында гомер итүче әбине 90 яшьлек юбилее белән котладылар
Чүпрәле районы Иске Шәйморза авылында гомер итүче Рушания Рәхимҗан кызы Азизовага 90 яшь тулды.
Хезмәт ветеранын котларга Чүпрәле муниципаль районы башлыгы Марат Гафаров һәм Иске Шәйморза авыл җирлеге башлыгы Илһамия Мөхитова килгән иде. Алар ветеранны юбилее белән котладылар һәм РФ Президенты В.В. Путин исеменнән котлау открыткасы, чәчәкләр һәм бүләкләр тапшырдылар, сәламәтлек теләделәр.
Рушания Рәхимҗан кызы Азизова 1931 елның 2 августында ТАССРның Иске Шәйморза авылында туа. Бөек Ватан сугышы башланганда аңа нибары 10 яшь була. Әтисе Рәхимҗан абый фронтка китә. Сугыштан кайтмый, хәбәрсез югала. Бөек Ватан сугышы елларында 10 яшьлек кызга бик авыр туры килә. Өлкәннәр белән беррәттән колхоз кырында хезмәт итә. » Без бик күп мохтаҗлык күрдек", - дип искә ала ул сугыш елларында һәм сугыштан соңгы елларда яшәгәннәр турында. Ач тормыш сугыштан соң да дәвам итә.
Олы яшьтә, 1951 елда кияүгә чыга, өч бала таба. Тик аларга озак гомер кичерергә насыйп булмый. 10 ел бергә гомер иткәннән соң ире вафат була. Бүгенге көндә ул-әни, әби һәм әби оныгы, ике улын җирләгән. Хәзерге вакытта килене Гөлнур белән яши.