ТР Гидрометеорология үзәге көчле җил һәм бозлавык турында кисәтә

2021 елның 27 апреле, сишәмбе

   Синоптиклар фаразына караганда, 2021 елның 28 апрелендә иртән һәм көндез Татарстан Республикасы территориясендә урыны белән көнбатыштан исүче җилнең тизлеге секундына 15-20 метрга җитәргә мөмкин.

   Төнлә һәм иртән юлларның аерым участокларында бозлавык барлыкка килергә мөмкин.

   Көндез республикада аязучан болытлы һава көтелә, урыны белән яңгыр, юеш кар явачак. Төнлә һава температурасы минус 2 дән плюс 3 градуска кадәр булыр дип фаразлана, көндез максималь һава температурасы 7-12 градусны тәшкил итәчәк.