Юл төзүчеләр семинары
Тиздән юл төзүчеләр өчен “урак өсте” башлана. Беренче чиратта, кар китү белән алар асфальт массасы чыгаручы заводны эшләтеп, юлларда хасил булган чокырларны каплау белән шөгыльләнәчәкләр.
“Татавтодор”ның рай-ондагы филиалы хезмәткәрләре быелгы сезонга әзерлек эшләрен төгәлләделәр дә диярлек. Ни дисәң дә, алда җәйге киеренке хезмәт чоры. Хәзерге вакытта автопарктагы техниканың төзеклеге кат-кат тикшерелә. Шушы көннәрдә генә республиканың “Татавтодор” ачык акционерлык җәмгыяте җитәкчелеге районыбыз филиалында зур семинар-киңәшмә үткәрде. Анда республиканың барлык районнарыннан да “Татавтодор” филиалларының баш инженерлары һәм баш механиклары катнашты.
–Семинар, нигездә, юл төзү техникасын төзекләндерүгә багышланды. Хәзер бит безнең филиалларга бик катлаулы техника кайта. Ә аны эшләтү өчен күп укырга, күп белергә кирәк,-ди Чүпрәле филиалының баш инженеры Айрат Сәнатуллин.
Рәшит Фәтхуллов