Картлар йортында яшәүче Чүпрәле өлкәннәре янында

2020 елның 10 октябре, шимбә

   Барыбызның да озын һәм бәхетле тормышта яшисе килә. Кемдер үз картлыгын туган йортында исән-сау каршы ала, ә кемгәдер аны картлар йортында үткәрергә туры килә.

   Буа муниципаль районындагы картлар һәм инвалидлар өчен интернат йортта Чүпрәле районыннан 13 кеше яши. 9 октябрь көнне алар янында Иске Чүпрәле авыл җирлеге башлыгы урынбасары Рамил Низамов булып кайтты. Ул барлык якташларга да район хакимияте исеменнән бүләкләр - азык-төлек җыелмалары бүләк итте. Аларның яшәү шартлары белән танышты, сәламәтлек, озын гомерләр теләде.

   Өлкәннәребез дә аларны онытмаулары өчен рәхмәтләрен белдерделәр һәм иң изге теләкләрен җиткерделәр.