Чүпрәле районында гражданнар оборонасы буенча бөтенроссия штаб күнекмәсе узды
2020 елның 2 октябрендә Чүпрәле районында башкарма хакимиятнең территориаль органнары, җирле үзидарә органнары һәм Чүпрәле муниципаль районы оешмалары белән гражданнар оборонасы буенча штаб өйрәнүләре үткәрелде.
План буенча, А-151 «Цивильск-Ульяновск» трассасының 131 нче километрында җылыну пункты, Алешкин-Саплык урта мәктәбе базасында кабул итү-эвакуация пункты җәелдерелде. Шулай ук халыкка хәбәр итү системасы тикшерелде.
Гражданнар оборонасы буенча бөтенроссия штаб күнекмәсе инде ел саен үткәрелә торган традицион чарага әверелде. Ул Россия Гражданнар оборонасы көне алдыннан - 4 октябрь көнне үткәрелә һәм төрле дәрәҗәдәге хакимият органнарының, ведомстволарның, предприятиеләрнең һәм халыкның Гражданнар оборонасы, төрле характердагы гадәттән тыш хәлләрне кисәтү, тормыш куркынычсызлыгы нигезләренә өйрәтүгә максималь игътибарын җәлеп итәргә мөмкинлек бирә.