«Авыл яшьләре» IX җәйге авыл спорт уеннарында
10 сентябрьдән 14 сентябрьгә кадәр Актанышта ТАССР ның 100 еллыгын бәйрәм итүгә багышланган IX җәйге авыл спорт уеннары узды. Уеннарда республиканың 43 районыннан спортчылар катнашты.
Ярышлар түбәндәге спорт төрләре буенча узды: волейбол (хатын-кызлар һәм ир-атлар), өстәл теннисы, сыер савучылар ярышлары (җиңел атлетика, көч гимнастикасы, саву аппаратын сүтү һәм сүтү-1), механизаторлар ярышлары (җиңел атлетика, көч гимнастикасы, трактор йөртү), мас-рестлинг, көрәш, җиңел атлетика, шашка, шахмат, бадминтон, аркан тартышу. Уеннар районның спорт объектларында узды.
Республикада авыл районнары арасында Саба районы җыелма командасы җиңүче дип табылды, икенче урынны лаеклы рәвештә Мамадыш районы яулады. Актаныш районы командасы уеннар тарихында икенче тапкыр призерлар өчлегенә керде. Шәһәр тибындагы районнар арасында Буа районы яшьләре алда бара, икенче-өченче урыннарда-Зәй һәм Азнакай районнары.
Ябылу тантанасында катнашучылар һәм командалар Татарстан Республикасының «Уңыш» физкультура-спорт җәмгыяте уеннарын оештыручылардан кубоклар, медальләр һәм грамоталар белән бүләкләнде. Шулай ук призлы урыннар яулаган командаларга сертификатлар тапшырылды.
Чүпрәле командасы иң яхшы унлыкка керде. Котлыйбыз!